A Fundación Galicia Verde é un proxecto privado, e independente, que poderá coñecer a través desta páxina web.

Esta web é o enlace entre o noso traballo e a sociedade, á que esperamos prestar un servizo, informándoa con rigor sobre temas tan importantes como a saúde, a ecoagricultura, ou o medio ambiente, xunto a outros complementarios coma viaxes ou cociña, ofrecéndolles a oportunidade de interactuar connosco, e outros usuarios, a través do noso blog.

                                                                                                                                                                                             Que é a Ecoagricultura?

O concepto de ECOagricultura supón a práctica dunha agricultura sostible, que non utilice ningunha substancia de síntese, que priorice a venda local ou de proximidade, que se integre no medio e que permita ás persoas que a practican vivir dignamente do seu traballo. Todo iso identificado baixo a denominación de Soberanía Alimentaria.

                         A saúde, o primeiro

A saúde, un dos nosos bens máis preciados, é a nosa gran esquecida nun mundo dominado polo cultivo dos sentidos, a publicidade, a tecnoloxía, .... A nosa sección de saúde tentará cumprir dous obxectivos fundamentais. O primeiro é concienciarnos de que a saúde é "nosa" e de que somos responsables da mesma. Nesta liña iremos ofrecendo informacións que nos permitirán coñecernos mellor e como interactuar co noso propio corpo.
O noso segundo obxectivo será a divulgación de terapias e mediciñas complementarias que, en determinadas circunstancias, poden resultar de interese, dada a súa eficacia e baixa agresividade.

Como a base para manter e mellorar a nosa saúde é o coñecernos a nós mesmos, coas nosas fortalezas e/ou debilidades, os mércores adicamos o día a consultar e determinar a constitución doshica, baixo a supervisión dun médico Ayurveda.
Se o desexas podes pedir cita para aprender algo máis sobre como es, e como deberías ser.

                                                                O medio é a nosa casa

Non podemos vivir de costas ao medio.Nos guste ou non, pertencemos e interactuamos continuamente sobre el. Por iso non podemos eludir as nosas responsabilidades na súa conservación ou deterioro. Todo o que facemos repercute na nosa contorna máis próxima e no medio en xeral. Por iso a través desta web tentaremos volo dar a coñecer, á vez que indagaremos sobre prácticas de reciclaxe, reutilización e redución de consumo.

                                                                                                                                                                                          Namaskar, a vosa tenda on line

Como entidade privada a Fundación Galicia Verde carece de axudas institucionais polo que, para financiar o seu proxecto, necesita dispor dunha fonte de financiamento. Esta é a auténtica razón de ser de Namaskar, a nosa tenda "en liña".

Unha vez que tomamos a decisión de montala, dous foron os nosos obxectivos. O primeiro vender únicamente produtos de moi alta calidade e que aporten melloras para a nosa saúde, a prezos competitivos. O segundo ofrecer produtos que dificilmente se atopan no mercado.
Cremos que estamos cumprindo con holgura ambos dous obxectivos.

Podes visitar Namaskar entrando desde o menú da nosa web ou, directamente en www.namaskar.es

          Un lugar de encontro, para compartir

A Fundación Galicia Verde é un lugar de encontro, un lugar para compartir e intercambiar ideas e un lugar para aprender. Esa é a nosa filosofía: ensinamos o que sabemos e aprendemos o que outros queiran ensinarnos, sen dogmatismos.
Invitámoste a visitarnos na nosa sé de Leboso - Forcarei e a coñecer o noso proxecto, os pasos que imos dando e, se podemos, a axudarte a resolver as túas inquedanzas.

                                                                                                                             
 Os socios, o pulmón da Fundación

Gustaríanos que formases parte deste proxecto, polo que te invitamos a facerte soci@, a colaborar, a participar e a aportar ideas. Tod@s sodes benvid@s.